Merkezê Çapemenîye yê QSDyî eşkerayîya nuştekîye daye û nê vatî:

''Hêzanê ma çarçewaya pawitişê meşrûyî de vizêr 3 çalakîyê bitesîrî kerdî. Dormeyê Awbendê Tişrînî de vera nuqta û cayê mendişî yê çeteyan çalakî ameye kerdene xeylê çeteyî merdî û birîndar bîyî la hûmara înan zelal nêbîye. Çalakîya diyîne qilê Syria Telî de ameye kerdene, tîya zî hûmara merde û birîndaran a çeteyan zelal nêbîye. Çalakîya hîrêyîne de bajarekê Ebû Qelqelî de vera nuqtayanê çeteyan ameye kerdene, hûmara merde û birîndarn a çeteyan zelal nêbîye. Badê çalakîye çeteyî xo mîyan de kewtî têmîyan.

Dewleta tirke ya îşxalkere şewa ke çarşeme peste pancşemeyî heta serê sibayî pê obusan dormeyê Awbendê Tişrînî da bombayan ver. Teyarayanê şerî yê îşxalkeran zî dormeyê awbendî da bombayan ver. Netîceya hêrişan de xesaro madî ame meydan.

Hêzanê ma vera  nuqtaya çeteyan a qilê Qereqozaxî û di baregehê nizdîyê ci  û baregehê dewa Hoşerîyê çalakîyê bitesîrî kerdî. Nê çalakîyan de xeylê çeteyî ameyî kiştene û baregehê înan ameyî îmhakerdene.

Dewleta tirke ya îşxalkere pê teyarayanê şerî hêrişî dewanê Tîna, Bîr Hiso, Şoha û Xeseqê kerd û bi hewayêkê hemwextî dewê Tîna, Cada, Bîr Hiso, Dîkan, Melha, Sena û qilê Sêvê û Qereqozaxî hetê îşxalkeran pê obus, roket û havanan dîyayî bombayan ver. Hêrişan de xesaro madî ame meydan.

Teyarayanê şerî yê dewleta tirke deweka Ehmed Muhîrî ya Kobanê daye bombayan ver. Netîceya hêrişî de xesaro madî ame meydan. Heta şan teyarayê şerî herême de gêrayî.''