Vervatoxa Kongreya Starî Remzîye Mihemed derheqê hêrişanê îşxalî yê dewleta tirke yê vera Rojawanê Kurdîstanî de qisey kerd.

Remzîye Mihemed îfade kerd ke dewleta tirke seba ke qesasê Kobanê bigêra hêrişê Kobanê kena û vat: ''Nê hêrişî mojnenê ke dewleta tirke vera gerîlayanê azadîye bin kewta û xîret kena ke mesajê 'ez bihêz a, hema şerî kena' bida. Şer de tim cinîyê serkêşî yenê hedefkerdene la dewleta tirke do pê xoverdayîşê cinîyan nêeşka. Cinîyî vera nê hêrişan do çok nêşorê erdî ro.

Ez venga şaranê Rojawanî dana ke bi hêzê xo têkoşîn bikero. Dezgehê demokratîkî ganî vera hêrişanê dewleta tirke bêveng nêmanê. Şarê ma wa koç mekero, erdê xo meterikno û şewe û roje têkoşîn û xoverdayîşî bikero. YPJ, YPG û QSD do cewabêkê pîlî bidê bêvengîya dewletanê mîyanneteweyîyan. Wa her kes vera nê hêrişan vejîyo waran.''