Efrînijî vera ambargoyo ke hetê hukmatê Şamî ra vera Kantonê Şehba û taxanê Şêxmeqsûd û Eşrefîyê yê Halebî yeno caardene, vejîya kuçeyan. Çalakîye protestoyî rayîrê mabenê Şehba û Halebî de ameye kerdene.

Çalakwanê ke heta nûtayanê hukmatê Şamî rayra şîyî kurdkî û erebkî eşkerayîyî dayî. Eşkerayîye de nê ameyî vatene: ''Hukmatê Şamî çar serrî yo vera taxanê Şêxmeqsûd û Eşrefîye û ke 200 hezarîr a zafêr kesî tede ciwîyenê û ambargo keno. Reyna eynî caardiş vera Kantonê Şehba zî yeno kerdene. Ma sey Kantonê Efrîn û Şehba nê ambargoyî protesto kerdê. Ma veng danê dezgehanê eleqedaran ke wa şirê hukmatê Şamî ser ke ambargo bêro wedaritene. Wa dezgehê heqanê merdiman bêrê herêma Şehba û sûcanê dewleta tirke bivîne û qeyd bikerê. Ganî cade heme nûqtayê kontrolî bêrê wedaritene ke zexîre, derman bireso şarî.''