Qirkerdişê Parisî xeylêk merkezanê kantonê Qamişlo û Helebî de ame protestokerdene, venga hukmatê Fransa da ke wird qirkerdişan zî eşkera bikero. Çar şaristanan de xeyma serweşîye ronîyaye.

Çilaxa, Tirbesipîyê, Til Hemis, Til Birak û Heleb de mîtîngê protestoyî ameyî kerdene, Qamişlo, Amûdê, Girkê Legê û Dêrik de zî hem seba şehîdanê Qirkerdişê 23ê Kanûne hem zî seba şehîdanê Qirkerdişê 9ê Çeleyê 2013î xeyma serweşîye ronîyaye. 

Yadkerdiş û mîtîngan de fotografê Evîne Goyî, Mîr Perwer, Abdurrahman Kizil, Sakîne Cansiz, Leyla Şaylemez ameyî akerdene. Qiseykerdişan de ame vatene ke şarê kurdî tim rêçê şehîdan ser de têkoşînî rê dewam bikero. 

Xeylêk kesan xeyma serweşîye zîyaret kerde.