Şaristananê Rojawanê Kurdîstanî de bi şayîyan 1ê Teşrîna Peyêne Roja Kobanê ya Dinya ameye selamkerdene.

Koordînasyonê Kongreya Starî bi wesîleya Roja Kobanê ya Dinya Heleb de rayraşîyayîşêk kerd. Çalakîye de Endama Koordînasyonê Kongreya Starî Fehmîye Hemo qisey kerd û vat: ''Ma şexsê Arîne Mîrkan de ke adirê şorişê Rojawanî vistbi ta û bibî sembola cinîyan ê azadan, pêro şehîdan yad kenê.''

Girseyî dima pê deyîran govende girewte.

Qezayanê Kantonê Qamşloyî de zî 1ê Teşrîna Peyêne Roja Kobanê ya Dinya ameye fîrazkerdene.

Dêrik de zî şar bi wesîleya 1ê Teşrîna Peyêne Roja Kobanê ya Dinya pê wesayîtan konvoy viraşt, merkezê şaristanî de govende girewte.

Girkê Legê de warê Şehîd Xebatî de rayraşîyayîş ame kerdene.

Meclîsê Çilaxa bi wesîleya Roja Kobanê ya Dinya şayîyêke viraşte.