Seba ke PKK lîsteya terorî ra bêro vetene kampanyaya îmzayan 13ê kanûne ra nata dewam kena. Rojawan de zî 12ê çeleyê 2022î ra nata kampanya yena kerdene.

Endamê Înîsîyatîfê Abdullah Ocalanî rê Azadîye Ferzende Munzurî derheqê kampanya de ANFyî rê qisey kerd.

Munzurî bale ante ser ke bi taybetî eşkerabîyayîşê cînayetê Olof Palme û têkoşînê vera DAÎŞî ra dima dewletanê Ewropa û dinya dî ke PKK rêxistina terorî nîyo. Munzurî vat: ''Na kampanya ra dima bi mîlyonan merdimî dormeyê PKKyî de ameyî pêser. Ma waşt mîyanê na kampanya de ca bigêrê. Çunke PKKyî hem Rojawan hem zî Sûrîye de rolêko pîl kerd. Şarê ma zaneno ke PKK azadîgîr o.

Înîsîyatîfê Şarî yê Rojawanî seba kampanya rolêko aktîf ard ca. Ma netîceya xebatanê xo de hedefê xo ra zêdêr îmzayî arê dayî. Kampanya eleqeyêko pîl dî. Şar wayîrê kampanya vejîya. Pêro şarî bi taybetî erebî asta berze de tewrê kampanya benê. Ney moral da ma, ma şa kerdî.''

Munzurî derheqê kampanya de nê detayî dayî:

Kantonê Cizîre de 820 hezar û 130, Kantonê Hesekê de 338 hezar 616, Haleb de 52 hezar û 2015, Kobanê de 77 hezar, Şehba de 45 hezar, Reqa de 100 hezar, Tebqa de 160 hezar, Minbic de 200 hezar, Dêra Zorê de 20 hezar îmzayî arê dîyayî.

TEV-DEMî 30 hezar îmzayî, Hêzanê Asayîşê Zereyî zî 17 hezar û 892 îmzayî arê dayî.