Tecrîdê vera Rayberê Şarê Kurdî Abdullah Ocalanî her ke şino beno giranêr. Roniştoxanê Kobanê derheqê tecrîdî de ANFyî rê qisey kerd.

Roniştoxê bi nameyê Mihemed Emîn Îbrahîmî vat: ''Ma sey şarê Kobanê tim peyê Rayberê xo de yê û heta çilka xo ya peyêne ma do tim Serekê xo reyde bibê. Heta azadîya Rayberê xo ma têkoşînê xo xurtêr bikerê. ''

Cinîya ciwane ya bi nameyê Hebûne Mihemed vat: ''Wextêkê dergî ra nata keye û avûkatî nêeşkenê Rayber Apoyî bivînê, xebera ma pê Rayberîye çin a. Dewleta tirke dî ke her kes peyê fikr û felsefeya Rayberîye de yo seba ke verê ney bigêra tecrîd giranêr kerd. La dewleta tirke se kena wa bikera ma do tim peyê Rayberîye xo de bibê. Ganî ciwanê pêro parçeyanê Kurdîstanî paştî bidê Rayberê ma.''

Roniştoxa bi nameyê Cîhane Bozan vat: ''Dewleta tirke ya îşxalkre çira Rayberîye rê tecrîd ferz kena? Ma zî wazenê serra 2022yî biba serra azadîya Rayberîye. Ma venga kurdanê çar parçeyanê Kurdîstanî danê ke heta azadîya Rayberîye payan ser de bibê.  Rayberîye xora pê fikr û felsefeya xo tim hetê ma de ya. Ma do tim xeta ey ser de bibê.''