Dewleta tirke 19ê teşrîna peyêne de seatanê şewe de pê teyarayanê şerî hêrişê Rojwanê Kurdîstanî kerd. Dêrik, Dirbêsiyê, Ebû Rasên, Kobanê û herama Şehba dîyayî bombayan ver.  Hêriş çend şino zêdîyeno û heme herêmanê Rojawanî ra vila beno.

Bîlançoya hêrişê dewleta tirke yê ke pê teyarayan şerî û çekanê giranan yeno kerdene wina ya:

20ê Teşrîna Peyêne

“Daristanê Kobanê, dewê Helinc û Kanîya Kurda pê teyarayanê şerî dîyayî bombayan ver. Dewa Helincê, Qilê Miştenûr, dewa Şêrana, Dara Hikumiyê, Kanîya Kurda û embarêdewa Qiz Elî ameyî bombardumankerdene. Netîceya hêrişî de xeylêk banan de xesar vejîya werte. Dewa Qiz Elî de di leşkeranê rejîmî dinyaya xo bedilnaye û di leşkerî birîndar bîyî. Qilê Miştenûrî de Nêweşxaeyê Covîd rijîya.

Dewê Belûnîyê û Şêx Îsa yê Şehba, qelaya Şiwarxa ya Şera û embarê xelyî yê Zîrganî pê teyaraynê şerî dîyayî bombayan ver. Dewa Teqil Beqilî de netîceya hêrişî de kedkarêk şehîd bi. Şaro ke badê hêrişî vaz da gazî o zî raştê hêrişî ame. Muxabîrê ANHA Îsam Abdullah û zî tede 11 kesî şehîd bîyî û 6 kesî birîndar bîyî.

Dewêka mabnê Dirbêsiyê û Ebû Rasênî de ya di xebatkarê embarê xeleyî û xeta Ebû Rasenî de şervanêk şehîd bîyî. Til Rifet, Şera û dewanê Bêlûniyê, Şêx Îsa û Minix û Şewarqa de cayê macîran ameyî hedefgirewtene. Netîceya hêrişan de 5 şervanê HRE şehîd byî û di sîvîlî birîndar bîyî.

Xeylêk baregehê Sûrîya de ameyî hedefgirewtene de 20 ra zafêr leşkeran dinyaya xo bedilnaye û 20 zafêr zî birîndar bîyî. Dewa Qizelî ya Girê Sipîyî de zî nuqtaya hukmatê Şamî de leşkerêkî dinyaya xo bedilnaye û di eşkerî zî birîndar bîyî. Zîrgan û Til Rifet de zî nuqtayê hukmatê Şamî dîyayî bombayan ver.

. 21ê Teşrîna Peyêne

Dewê Mehsenlî, Cerada, Cat û Hoşeriyê yê Minbicî, dewa Bêlûniyê yê Til Rifetî, dewê Dirdara û Qibur El Xeracina yê Til Temîrî, dewê Medûnê û Radarî yê Şehba Dewê Kefer Antûnî û Malikiyê yê Efrînî ameyî hedefgirewtene. Dewê Minix, Şêx İsa, Hirbil, Semû, Belûnîye û Barajê Şehba dîyayî bombayan ver.  Dewa Bêlûnîye de 4 leşkerê hukmatê Şamî birîndar bîyî. Reyna dewê Zormixar, Dêrbizin, Xerbisan, Koran û  Aşmê yê Kobanê û Minbic de xeta dewa Toxarî ra heta dewa Ewn Dadatîdîyayî bombayan ver. Dewê asûrîyan sey Gozeliyê, Tewîla, Til Cuma ve Til Şenanî yê Til Temîrî zî bîyî hedefê bombayan. Rayîrê Til Temir-Qamişloyî zî dîyayî bombayan ver. Dewa Aqibê ya Şêrawa de 20 mîyê hemwelatîyêkî telef bîyî. Dewa Marîtî ya Amûdê di hemwelatîyî birîndar bîyî. Dewê Til Hemdûn û Behîra yê Amûdê zî dîyayî bombayan ver.  Til Temîr de ciwanêk birîndar bi. Hêrişê vra Bêlûnîye de 2 leşkerê hukmatê Şamî birîndar bîyî

. 22ê Teşrîna Peyêne

Dewê Bûba Sitekî, Sîlêm û Kûltepe yê Kobanê, dewa Şêx Îsayî ya Til Rifetî, dewa Bênê ya Şêrewa, dewê Wehîyê û Hirbilê yê Şehba, deê Mehsenlî û Hoşerîyê yê Minbicî bîyî hedefê hêrişan. Hesekê de netîceya hêrişî de di endamê Yewîyanê Antî Terorî (YAT) şehîd bîyî û yewê înan fermandar 3 endam YATî birîndar bîyî.

Warê teyarayan ê Minixî yê Kantonê Şehba û dewê Alqamyê û Kefer Antunî yê Şera dîyayî bombayan ver.  Droneyanê çekdaran Tirbespîyî de da waranê petrolî ro û Til Temir dezî dewa Ewca hedef girewt. Leşkerêkê hukmatê Şamî sinorê Rojawa-Vakurê Kurdistanî Nisêbîn de birndar bi. Dewa Gir Dahol a Tirbespîyê û warê petrolî yê El Ode ameyî bombardumankerdene. Dewê Siftek Zormixar, Ziyaretê, Çariqlî û Qermoqî yê Kobanê dameyî hedefgirewene. Merkezê weşîye yê Qeremoqî dîya bombayan ver. Dewa Til Ziwanî ya Qamişloyî  û dewê Til Leben, Gûzeliyê û Til Tewîlî ç Til Temirî dewa Mekanî ya Dêrezorî dîyayî bombayan ver. Dewa Koranî ya Kobanê de mektebêk dîya bombayan ver. Dewê Tûkê,Til Kêf û Dodanî yê Amûdê û rayîrê Elî Feroyî yê rayîrê Qamişlo-Hesekê ameyî hedefgirewtene. Tat Maraş, Kefer Antûn û İrşadiyê yê Şera dîyayî bombayan ver. Leşkerêkê hukmatê Şamî dinyaya xo bedilnaye.Dewê Dugirê  Süryani Rûtan û Girkê Şemoyî yê Tirbespîyê, dewê Til Werde, Rabîa û  Mihermila yê Zîrganî dîyayî bombayan ver. Dewê Ehrezî yê Şehba û dewa Alqemîyê ya Şera ameyî hedefgirewtene. Dewa Tatmeraş ya Şera de bombaya fosforî ameye şuxulnayene. Hîrê roketî erzîyayî dewa Til Kêfî ya Amûdê.

Teyaranê şerî da merkezê Kobanê da bombayan ver û hewayêkê hemhewxtî pê çekanê giranan da piro. Dewê Sêlîm, Aşmê, Korelî û Qeremox yê Kobanê dîyayî bombayan ver. Herem Şêxo û Til Ziwanî yê Qamişloyî û dewa Şêx Îsayî ya Til Rifetî  dîyayî bombayan ver. Dewê Esediyê, Bobî, Dadilewda, Xidrawî, Til Emir, Kesra û Mieşwa yê Zîrganî dîyayî bombayan ver. Dewa Minixî ya Şehba de netîceya hêrişî de 2 leşkeranê hukmatê Şamî dinyaya xo bedilnaye û 2 leşkerî zî birîndar bîyî. Mabênê Qamişlo-Amûdê dewê Hasde û Şermîla dîyayî bombayan ver. Kantonê Şehba de qezaya Til Rifetî dîyaye bombayan ver. Dewê Gozeliyê, Şêx Eli û Qibûr El Xercina yê Til Temirî pê obusan dîyayî bombayan ver. Dewa Xanî ya Girê Sipî dîyaye bombayan ver.”