Mîtîngê 1ê Gulane Roşanê Kedkar û Karkeran, bi şîarê ‘’Seba kede, haştîye, demokrasî û edaletî ma do ser bikewê’’ Meydanê Rihtimî yê Kadikoyî yê Îstanbulî de do bêro kerdene. Serkêşîya mîtîngî DÎSK, KESK, TMMOB û TTByî do bikera.

Mîtîngî ra ver girseyê şarî di noqtayan ra ver bi rihtimî dest pê rayraşîyayîşî kerd.

Girse Sogutluçeşme û verê Nêweşxaneyê Nimûne yê Haydarpaşayî de kom bîyî. KESK, DEM Partî, HDK, TJA û rêxistinê cinî û ciwanan zî Sogutluçeşme ra tewrê girseyî bîyî û înan pankartê bi kurdkî û tirkî akerd.

DÎSK, TTB, TMMOB, CHP û EMEP zî Nêweşxaneyê Nimûne yê Haydarpaşayî de kom bîyî. 

Wina pawîyeno ke girse 11.00 de do bikewo warê rihtimî.