TJK-E bi eşkerayîyêke bale ante ser ke Vengdayîşê Haştîye û Komelê Demokratîkî hetê şarê kurdî û şaranê bînan ra paştdayîşêko pîl dîyo û hêvîya haştîye newe kerda. TJK-E îfade kerd ke têkoşînê 52 serran mojna ke kurdî bi polîtîkaya înkar û îmha nêqedîyenê û ganî azadîya Rayber Apoyî seba çareserîya meseleya kurdan bêra caardene.

TJK-E da zanayene ke Rayber Apoyî seba azadîya cinîyan û şaran têkoşînêko pîl kerdo û paradîgmaya ey ‘Jin, Jiyan, Azadî’ ewro cinîyanê dinya rê îlham dana. TJK-E vat: ‘’Coka ma paştî danê vengdayîşê Rayber Apoyî. Ma do tim paştî bidê hemleya ‘Abdullah Ocalanî rê Azadîye, Meseleya Kurdan rê Çareserîye’ zî. 

Seba destekê na hemle ma do 3yê gulane de xeylê merkezanê Ewropa de çalakîyanê ‘Dîyaloganê bi cuya azade’ bikerê. Ma venga pêro cinîyan, şarê xo, ciwanan û dostanê xo danê ke tewrê nê çalakîyan bibê.’’