Awbendê Tişrînî û dormeyê ci de çar memgan ra nata şar û dadîyî vera hêrişanê dewleta tirke ya îşxalkere û çeteyanê SMOyî nobeta xoverdayîşî de yê. 

Dayîke Hacera 55 serrîya ke bîya sembolanê xoverdayîşî ra yew dadîya di şehîdan a. Dayîke Hacere pare kerd ke Awbendê Tişrînî de xoverdayîşê şarî yo ke çar mengan ra nata dewam keno tena pawitişêko leşkerî nîyo, heman wextî de seferberîyêka komelkî bîyo.

Dayîke Hacere vat: ‘’No awbend ê şaran o. Şarê Rojhelatê Mîyanênî awe û ceyranê xo tîya ra gênê. Coka ma do nê awbendî û destkewteyanê xo yê bînî bipawê.No xoverdayîş sembolê qerardarî û wayûbiratîya ma yo. Ma hêrişê çewî nêkenê la ê hêrişê ma kenê. Hinî nê qirkerdişan rê bes o!

Ma wayîrê YPJ û QSDyî yê. Ma bi mîlyonan ê. Ma seba domananê xo hertim amade yê. Ma bi fikranê Rayber Apoyî hayî benê. Ma est ê û do est bê.’’