Prof. Yann Moulier-Boutangî îfade kerd ke vengdayîşê Rayber Apoyî têna semedê Tirkîya nê semedê Ewropa zî muhîm o û vat, “Çareserîya meseleya kurdan semedê endamîya Ewropa ya Tirkîya muhîm o. Serbestveradayîşê Ocalanî semedê Yewîya Ewropa mesajo muhîm o."
Prof. Yann Moulier-Boutangê ke DEM Partî rê mesaj şawit bi û semedê vengdayîşê tarîxîyî yê Rayber Apoyî û qeraranê Kongreya 12ine ya PKKyî paştdayîşê xo eşkera kerdbi, ajansê ma rê qisey kerd.
Prof. Moulier-Boutangî îfade kerd ke xeyrê cehdkerdişanê Rayber Apoyî Tirkîya de prosesêkê haştîye ame destpêkerdene û bale ante rolê DEM Partî ser ke nê demî de kay kerd.
Prof. Yann Moulier-Boutang îfade kerd ke vengdayîşê Rayber Apoyî têna semedê Tirkîya nê semedê Ewropa zî muhîm o û vat, ''Tirkîya sey fermî hema namzeda Yewîya Ewropa (YE) ya. Seba ke çend şino rejîm dahîna beno otorîter endamîye ra kewna dûrî. Çareserîya demokratîke ya meseleya kurdan tekîlîya Tirkîya û Ewropa hêzdar kena. Eke meseleya kurdan bera çareserkerdene Tirkîya eşkena reyna berê YE bicino. Çîyo winayên hetê rayapêroyîye yê Ewropa ra pozîtîf yeno vînayene. Tirkîya de eştişê heme gamanê demokratîkan do sey nîşanê pozîtîfî bêro vînayene. Mesele eke Abdullah Ocalan serbest bêro veradayene. No beno jestêko xurt. Tirkîya hema nazedîya xo ya semedê endamîya YE peyde nêanto, heme sey fermî namzed a. Çareserîya meseleya kurdan semedê endamîya Ewropa ya Tirkîya muhîm o. Serbestveradayîşê Ocalanî semedê Yewîya Ewropa mesajo muhîm o."
