Rojawan de bi şîarê ‘’Bi vengdayîşê Haştîye û Komelê Demokratîkî ma pîya 1ê Gulane fîraz bikerê’’ Dêrik û Tirbespîyê de şayîyê Roşanê Karker û Kedkaran ameyî viraştene.

Dewa Siwêdîkê ya Dêrikî de şarê Dêrik, Koçerat, Girkê Legê, Çilaxa û Til Koçerî şayîyêke viraşte. 

Dewa Mizgeftî ya Tirbespîyê de şarê Qamişlo, Tirbespiyê, Til Hemîs û Amudê şayîyêke viraşte.

Şarî bi kincanê xo yê neteweyîyan tewrê şayîyan bîyî û înan 1ê Gulane fîraz kerd. Şayîyan de posterê Rayber Apoyî ameyî akerdene.

Xeylê hunermendî zî tewrê şayîyan bîyî.