Serekê YNKyî Bafil Celal Talabanî şi Rojawan û Fermandarê Pêroyî yê QSDyî Mazlûm Ebdî û selahîyetdaranê Îdareyê Xoserî de pêvînayîş kerd.

Talabanîyî verî Mazlûm Ebdî de pêvînayîş kerde û tede dîyar kerd ke YNK amade yo ke meseleyê nikayênî bi hawayêkê haştîyaneyî çareser bikerê û vat: ''Ma do seba dîyalogan xîret bikerê ke bibê bingeyê çareserîya meseleyan û rewşe.''

Îdareyê Pêroyî yê Vera Terorî ra Wehab Helebceyî zî kombîyayîş de derheqê rewşa sîyasî ya Rojawanê Kurdîstanî û Herêma Kurdîstanî û averşîyayîşanê sîyasîyan de qisey kerd. Pêvînayîş de derheqê meseleya kurdan û çareserîya haştîye de ercnayîşî ameyî kerdene.

Ame parekerdene ke Talabanî Rojawanê Kurdîstanî de warê leşkerî û sîyasîyî de çend pêvînayîşanê bînan zî do bikero.