Roniştoxanê taxa Kornîşî yê Qamişloyî seba paştdayîşê YPJ û QSDyî 5 taburî awan kerdî û ê tewrê Hêzanê Pawitişê Komelkîyî (HPC) kerdî.

Taburê ke cinî û camêrdan ra yenê pê, nameyê Şehîd Mazlûm, Ezîz Ereb, Mizgîn, Çektar û Ciwantî dîyayê înan.

Awankerdişê taburan bi eşkerayîyêke ame îlankerdene û eşkerayîye hetê Nadîra Îbrahîm ra ameye wendene. Eşkerayîye de ame dîyarkerdene ke pêro roniştoxê taxe amade yê ke vera hêrişanê herême vinderê û paştî bidê QSD, YPG û YPJyî.

Dewamê eşkerayîye de ame îfadekerdene ke şar do erdê xo ra fek vera medo û destûr nêdo ke dewleta tirke ya îşxalkere û çeteyê ci bikewê erdê înan.