Çarçeweya kampanyaya  “Semedê Rayber Apoyî binusê ” de, ya ke 15ê Sibata 2023yî de ameye destpêkerdene, Dêrikî ra heta Qamişloyî, Kobanê ra heta Efrînî 4 hezar tutê ke Rojawan de ciwîyenê Rayberê Şarê Kurdî Abdullah Ocalanî rê mektûb nuşt ke Îmrali de sey esîrî yeno tepiştene. 

Mektûbê 4 hezara tutan ê ke  hetê  Komîteya Heqanê Tutan û Mudirîya Mekteban ê Rojawanî ra ameyî arêdayene do bibê kitab.

Mektûbanê tutan ra tay qismî wina yê:

Hêwa Emîn: Teyrê azadîye çend serrî yo zîndananê dişmenî de yo. Ez bi kelema azad a ke bi keda to ameye destfînayene, nê mektûbî nusena. Ez hêvî kena ke ez do rojêke zerrîya şarê kurdî bivînê. Ti  tim, her hele sey teyrê azadîye vîrê mi de yê.

Zoya Hewas Xelef: Ez wazena wa Rayberîya ma zîndanî ra vejîyo, azadîya ma xurtêr bibo. Ma do azadîya xo bi Rayberîya xo aver berê. Rayberîya ma ameyoxê ma ya. Ameyoxê ma bê ey rind nîyo. Ma ganê xo feda bikerê zî, ma do ey zîndanî ra vejê.

Perî Azad Mûsa: Mi no mektûb semedê to nuşt. Hêvî kena ke bireso to. Serok Apo ma tira zaf hes kenê. Ma pêro wazenê ke ti cade nê zilm û zordarîye ra bixelisîyê, zîndanî ra vejîyê.

Nûcan Xelîl: Ma xeyrê keda to ewro kurdkî nusenê û wanenê. Her ca de eşkenê kurdkî qisey bikerê. Waştişê ma yo verên oyo ke ti destê nê MÎT û çeteyan ra bixelisîyê. Vejîyayîşê to do semedê heme kurdan bibo roşnayî.

Midîya Dawid: Rayberîya mi, bado ke ti şiyî, cuya kurdan zaf bîye zehmet. Ma do çirey to xo vîr a mekerê û tim bi vatişê “Bê Serok Jiyan Nabê” biqîrê. Silam û heskerdiş û bi hêvîya to vînayîşî…

Ebdo Hemûd: Rayber Apoyî çînbîyayîşî ra estbîyayîş afirna. Rayber Apoyî semedê azadîya şarê kurdî zaf xebitîya. Semedê her kesî xibitya. Êyê ke nê ra tersenê o eşt zîndan.

Ahîn Yusif: Xeyalê min o tewr gird vînayîşê to yo. Ez tim peyê kitabanê to de vazdaya. Ti do çirey nêrê vîrakerdene. Ti roşnkerdoxê cuya newî yê.

Newroz Mihemed Xelîl: Ez do tim Rayberê ma yê neteweyî rê mektûb binusî. Ez hêvî kena ke ti demê kilmî de zîndanê çetayan ra bixelisîyê û ma nê çeteyanê tirkan ra bixelisnê. Seba ke ma Efrînî ra vejîyayî dejê ma gird o. Bi hêvîya demê kilmî de vînayîşî…

Viyan Mihemed Seîd Mihemed: Ma keda to zanê. Şarê kurdî zî do wayîrê keda to bivejîyo. Ez pê bawer a ke ma do ti nê zîndanî ra vejê. Ma pê to sereberz ê. Inkey wextê azadîye yo. Ma do to û welatê xo bixelisnê.