Xebat Dêrik Qamişlo de ame vîrardene

Bi wesîleya serrgêra şehadetê ci Xebat Dêrik hetê bi seyan kesan ra gorê ci ser  ame vîrardene.

Qezaya Dêrik de bi wesîleya serrgêra şehadetê şehîd Xebat Dêrikî (Mahmûd Ramazan) bi tewrbîyayîşê Meclîsê Keyeyanê Şehîdan û temsîlkaranê dezgehanê sivîlan merasîmêk ame organîzekerdene.

Vîrardişo ke bi merasîmê leşkerî yê şerwananê YPGyî dest pêkerd de fermandaranê YPGyî ra Bedran Dêrikî qisey kerd. Dêrikî şexsê şehîd Xebatî de heme şehîdî yad kerdî û vat: ‘‘Têgêrayîşê ma yo ke semedê azadîyê şaran têkoşîn keno sereyê xoverdayîşî ra raştê hêriş û komployanê dewleta tirke ya faşîste yeno. La rixmê heme hêrişan bawerîya ma şar, şoriş û hêzê ma ra esta. Ma do şarê xo faşîzmî ra bixelisnê û xeyalanê şehîdanê xo bîyarê ca.‘‘

Hemserokê Partîya Yewîya Demokratîke (PYD) Şahoz Hesenî vat: ‘‘Şehadetê Xabat Dêrikî ser ra 8 serrî ravêrtî. O zerîya ma de û vîjdanê ma de ciwîyeno. YPGyî rêçê fermandarê xo Xabat Dêrikî de xeylêk serkewtişî fînayî dest.  YPGyo ke semedê Sûrîyeyêka demokratîke têkoşîn keno planê ke vera şaran yenê kerdene pûç vetî û morê xo da binê serkewtişanê girdan ro.‘‘

Birayê Xebat Dêrikî Husên Ramazanî zî vat ma soz danê şehîdanê xo yê ke semedê şarê xo ganê xo feda kerd ma do rêçê înan de xeyalanê înan bîyarê ca.

Bi nameyê keyeyê şehîd Xabat Dêrikî tabloyêko sero fotofrafê ci esto teqdîmê fermandaranê YPGyî bi.