44 gerîlayî Zap, Metîna û Avaşîn de pê çekanê kîmyewîyan hêrişanê dewleta tirke ya îşxalkere de şehîd bîyî ke nînan ra yew zî Serdem Agirî yo.

Serdem Agirî (Osman Abdî) şaristanê Qamişloyî yê Rojawanê Kurdîstanî ra yo û 15ê tebaxa 2022yî de dadîya xo ra bîyo. Serdemî verî Şorişê Rojawanî de cayê xo girewt û dima tewrê gerîlayan bi.

Dadîya Serdem Agirîyî Hamdîye Ehmed ajansê ma rê qala lajê xo kerde.

Dayîke Hamdîye Ehmed zaf kewena verê ci ke tede fotografê lajê ci zaf çin o. Dadîya Serdemî wina qala ci kerde: ''O domanîya xo de zaf bêveng bi, zerarê ci çewî rê çin bi. Têkilîya ci ya bi wayanê ci zaf xurt bîye. Embazanê ci zî ey ra zaf hes kerdêne. Hema domanîye de belû bi ke o ê bînan ra cîya bi. O dibistane de dersanê xo de zî serkewte bi. La rewşa ma ya madîye ra hînî ma nêeşkayî ey bidê wendene û heta sinifa 6. wend.

O kesayetêko zerrînizm bi, her kesî tira zaf hes kerdêne. Ey zanayêne kamca de senî têbigêro. Ey hema domanîya xo ra nata waştêne ke bibo gerîla, şoro koyan. ''

Dayîke Hamdîye pare kerd ke Serdem netîceya hemkarîya dewleta tirke û PDKyî de bi çekanê kîmyewîyan şehîd bîyo. Dayîke Hamdîye vat: ''Înan adir vera zerrîya mi û keyeyê mi. Wa sereyê şarê Kurdîstanî weş bo. Serdemêk şi la bi hezaran Serdemî est ê. Ganî qesasê Serdemî û ê embazanê ci bêro girewtene.''