Çalakîya nobeta ke vera hêrişanê dewleta tirke ya îşxalkere semedê pawitişê Awbendê Tişrînî  8ê çeleyî de ameye destpêkerdene roja 17ine de bi hewayêkê qerardarî yena domnayene.

Xoverdayîş hetê bi seyan kesanê ke Dêrazor, Tebqa û Reqa ra ameyî, ame dewrgirewtene. Mîyanê çalakwanan de heyetê Îdareyê Xoserî yê Demokratîkî zî est ê.

Şaro ke resa awbendî reyna raştê hêrişê dewleta tirke ya îşxalkere ame û hemwelatîyêke şehîd bi û bi desan kesî birîndar bîyî.

Hêrişê dewleta tirke ya îşxalkere yê vera Awbendê Tişrînî de heta nika tewr tay 21 hemwelatîyî şehîd bîyî.