Merkezê Îrtîbat û Çapemenîya YPGyî bîlançoya aşma êlule ya çalakîyê ke Efrîn de ameyî viraştene aşkere kerde.

Îzehetê YPGyî wina yo:

“Artêşa tirkî û çeteyê ci dagîrkerîya Efrînî ra dima şarê ma ser o kerdişanê faşîstan domnenî. Dewleta tirkî hewl dana demografîyaya Efrînî bibedilna û ewja bikera tek tîp. Nê kerdişê dewleta tirkî û çeteyanê ci aşma êlule de hîna zêde bîyî. Hemwelatîyê herême yenî remnayene, îşkence bi înan yeno kerdene û keyeyanê înan pere yeno waştene. Hêzê ma YPG û YPJyî vera hêrişan de çalakîyê tesîrinî viraştî û derbê girdî dayî dagîrkeran ro.”

BÎLANÇAYA EFRÎNÎ

Îzehet de bîlançoya çalakîyan zî ameya aşkere kerdene. Bîlanço wina ya:

“Hêzanê ma vera artêşa tirkî û çeteyanê ci de pêro pîya 38 çalakîyî viraştî. Netîceyê nê çalakîyan de;

-74 çete û leşkerê tirkî ameyî kiştene. (Nînan ra 11ê ci leşker î, 1 serçete û 63 çete yî.)

-37 çete û leşkerê tirkî birîndar bîyî. (Nînan ra 6ê ci leşker û 31ê ci zî çete yî.)

- Çalakîyan de destser nîyayo 13 hebî sîlehê Kaleşnîkofî yê AK-47 û 1 tifingo makîneyin yê MG-3î.

-Netîceyê çalakîyan de qerargehêkê leşkerî, 6 wesayîtê leşkerî û tanqêk ameyî îmha kerdene.

Dagîrkeran hêrişê sivîlan kerdo û netîceyê hêrişî de domanêk û 2 sivîlî birîndar bîyî.

2 serçeteyê DAÎŞî hetê Yewîyanê Antî Terorî ra ameyî tepiştene û netîceyê operasyonî de destser nîyayo çîyê teqayîşî, 2 sîlehê B-7î û 10 guleyê ci, 11 hebî Kaleşnîkofê AK-47, 2 durbînê şewe, 4 durbînê rojî, 14 telefonî, 4 bêtelî, 9 damançe û xeylê muhîmatê bînî.

8 ŞERWANÎ ŞEHÎD BÎYÎ

8 embazê ma netîceyê qeza û nêweşîyanê giranan de şehîd bîyî.”