Fermandarîya Pêroyî ya YPJyî da zanayene ke dewleta tirke şehadetê şervana înan Roje Xabûr senî ke newe bîyo servîs kerdo û vat: “Şervana ke qala ci yena kerdene 22ê temmuze de şehîde bîye û roja bîne şehadetê ci ame eşkerakerdene. ”
Fermandarîya Pêroyî ya YPJyî bi eşkerayîya nuştekîye da zanayene ke dewleta tirke reyna embaza înan a ke rewna şehîde bîya û şehadatê ci ameyo eşkerakerdene, senî ke newe şehîd bibo servîs kerdo.
YPJyî vat: “Dewleta tirke 22ê temmuze de serê rayîrê Qamişloyî de pê droneyanê çekdaran hêriş kerd. Netîceya hêrişî de hemrayê ma fermandare Roje Xabûr û Jîyane Tolhildan û Barîne Botan şehîd bîyî. Ma 23ê temmuze şehadetê embazanê xo eşkera kerd. La dewleta tirke pê xeberanê zûran vana hêrişêkê neweyî de fermandare Roje Xabûr şehîd bîya. Dewleta tirke ya faşîste binkewtişê xo pê nê xaberan mojnena. Wa şarê ma goş xeberanê înan zûran medo û rîyê înan ê zûrkêrî bisarino.”
YPJyî nasnameyê şervane newe ra pare kerd:
Nameyê Qodî: Roje Xabûr
Name û Peyname: Ciwana Heso
Nameyê Maye: Şemse
Nameyê Pîyî: Hesen
Tarîx û Cayê Bîyayîşî: Dirbêsiyê, 1992
Tarîx û Cayê Şehadetî: 22ê Temmuza 2022yî / Qamişlo."
