YRDyî dukumanterê ''Seydwanê Heqîqetî'' weşana. Dokumanter de hêrîşê hêzanê komplekeran ê mîyanneteweyîyî yê ke şexsê Rayber Apoyî de vera şarê kurdî ameyî kerdene her hetî ra yenî deşîfrekerdene û yeno vînayene ke şar bi PKKyî senî aver şîyo.
Yekîtiya Ragihandina Demokratîk (YRD) serrgêra 26. ya Komployê Mîyannetweyîyî yê 15ê Sibate yê vera Rayber Apoyî de dokumanterê ''Seydwanê Heqîqetî'' (Nêçîrvanê Heqîqetê) weşana.
Dokumanter de yo ke bi kurdkî ame hazirkerdene reyna rîyo leymin ê hêzanê komplokeran ê mîyanneteweyîyî deşîfre keno ke 15ê sibata 1999î de hêrişê serkêşê Partîya Karkeran a Kurdîstanî (PKK) Rayber Apo yo ke şarê kurdî newera afirna, kerd.
Dokumanterê 35 deqayan de o ke vengpêdayîşê ci hetê rojnameger Reşad Sorgulî ra ame kerdene, bi fotograf û vîdeoyan ca dîyeno erjnayîşanê Rayber Apoyî yê tarîxanê cîya cîyayan û komployê mîyanneteweyîyî, sebeb û netîceyê ci bi heme detayan yenê ramojnayene.
Dokumanter de ca dîyeno xoverdayîşê şarê kurdî ke koletîye ra ver bi azadîye rayra şino, fedayîranê ''Şima nêeşkenê tîja ma tarî bikerî'' û fedayîyanê ke bi çalakîyanê xo morê xo da binê tarîxî ro.
