Qedexeyê pêvînayîşî yê vera Abdullah Ocalanî nîno qebulkerdene

Avûkat Cemal Demîrî vera qedexeyê pêvînayîşî yê vera Rayberê Şarê Kurdî Abdullah Ocalanî nêrazîbîyayîş mojna û vat, “Çîyo winayên nîno qebulkerdene. Gerek hukmat goreyê hasasîyetê şarê kurdî têbigêro. Na babetêka giran a.”

26ê nîsane de reyna pêvînayîşê Rayberê Şarê Kurdî Abdullah Ocalanî hendê 6 aşman ame qedexekerdene. Avûkat Cemal Demîrî vat no qedexe goreyê huqûqî nîno.

Avûkat Cemal Demîrî nê vatî: “Gerek eşkera bêro vatene ke qey cezaya dîsîplînî dîyaya Birêz Ocalanî. Çîyo winayên nîno qebulkerdene. Gerek hukmat goreyê hasasîyetê şarê kurdî têbigêro. Na babetêka giran a. Ne avûkat ne zî keye eşkeno pêvînayîş bikero. Qet xeberêke nîna girewtene.  Na rewşa zaf giran a. Huqûqî ra wetêr no îşkence yo. Vera nê heme vengdayîşê ke ameyî kerdene bêcewab mendî. Her çikaq CPT 2022 de Îmrali zîyaret bikero zî derheqê pêvînayîşî de zanayîş nêame dayene. Coka şar qesawet keno. Çim û goşê her kesî Îmrali de yo. Hukmat huqûqê zerî û teberî pîya binpay keno. No tecrîdo giran nîno qebulkerdene, gerek cade bêro wedaritene. Tim û tim bi cezaya dîsîplînî qedexeyê pêvînayîşî yeno dergkerdene. Gerek şarî rê bêro eşkerakerdene ke nê nêcezayê dîsîplînî qey yenê dayene. Rîyê kam yew tewirê ci ra cezaya dîsîplînî dîyaya Birêz Ocalanî. Şar semedê ey qerqilîyeno. Gerek şertê Birêz Ocalanî cade bêrê eşkerakerdene.”