Endamê Heyetê Îmraliyî yê DEM Partî û Serekwekîlê Meclîsî Sirri Sureyya Onder Nêweşxaneyê Florence Nightingale de krîzê qelbî ra semed û amelîyat bibi û hema zî servîsê ciewnîyayîşê giranî de yo.

Nêweşxaneyî derheqê rewşa Onderî de eşkerayîyêke daye û vat: ‘’Ewro roja şeşine ya ke Birêz Onder servîsê ciewnîyayîşê giranî de yo û cuya ey ser o tehluke dewam keno. Rîsko heyatî pîl o la tedawîya ey dewam kena.

Cerrahanê ma roja şemeyî tetîkakanê peyênan de dî ke hetê raştî yê qelbî de têgêrayîşî est ê ke no çîyêko hol o. La vizêr ancî cayanê drenan ra gonîye rijîyaye coka ancî revîzyon ame kerdene.

Hişê nêweşê ma hema zî nêameyo ser û refleksê ci goreyê waştişê ma nîyê. Seke ma roja verêne zî vatibi hetê norolojîkî ra qesawetê ma dewam kenê. Ganî ma bi sebrî bipawê.’’