Sondo yewin ê ereban erşawîya Mars

Sondê feza yê Îmarat ver bi Marsî kewt rayîr. Yeno pawitene ke wesayîtê feza sibata 2021î de do bireso hedefê xo.

Wesayîtê feza yê bêmerdiman El Amal (Hêvî) serê sibayî yê dişemeyî merkezê feza yê Japonya Tanegashima ra erşawîya. Hewteyê vîyarteyî de şertû mercanê hewayî ra erşawitişê wesayîtê feza di reyî amebi taloqkerdene.

Sondê feza yê ver bi Marsî pê coşêkî ame pêşwazîkerdene. Sond  bînaya tewr berze ya dinya Burc Xelefî yê Dubai de weriştişî ra verî bi hawayêkê sembolîkî 10î ra pey ame hûmaritene. Yeno plankerdene ke sond sibata 2021î de do bireso Mars. No wext zî serrgêra 50. ya yewbîyayîşê hewt prensîyanê Îmaratî ya. Goreyê hesaban êlula 2021î ra dşma El Amal dîmenanê Marsî do bierşawo.

Îmarato ke zengînê petrolî yo, xîret keno ke warê teknolojî de zî bibo rolêkê girîngî û plan keno ke Mars de kolonîya verêne ya merdiman awan bikero.