Mehkeme bi îdîaya ''propagandaya rêxistine kerda'' cezaya hîrê serran daye Ufuk Demîrî la bira ceza sey serrêke û 24 mengan hesab kerde. Demîrî vat ke cezaya ke dîyaya ci o hendê ci zîndan de mendo la ancî heman ceza dîyaya ci.
Mehkemeya Cezaya Girane ya Îdirî dewaya bi îdîaya ''propagandaya rêxistine'' de cezaya hîrê serran daye Ufuk Demîrî la bira ceza sey serrêke û 24 mengan hesab kerde.
Demîrî ard ziwan ke o heman sûcdarîye ra zîndananê Bartin û Patnosî de mendbi la cezaya ke ganî biameyêne taloqkerdene, ancî ameye dayene.
Ufuk Demîrî vera bira mehkeme nêrazîbîyayîşê xo mojna û vat: ''Ez serra 2018î de na dewa ra tepişîyaya. Ez zîndanê Patnos û Bartinî de menda. Dima qanûnê çapemenîye ame vetene û mi nê qanûnî rê fayde kerd. Dosyayêka bîne mi rê ameye akerdene. 6 serran ra dima ancî na dosya ameye verê mi. Seba ke cezaya ke nêkewena cezaya min sey mengan hesibîyaye. Bi serran o ez şina mehkemeyan la reya verêne mi çîyo winayên dî.''
