18ê gulane roja şemeyî dewê Simûqa, Til Medîq, Um Hoş Til Cîcanî yê Kantonê Efrîn-Şehba  û awbendê Şehba dîyayî bombayan ver. Hêriş de domanê bi nameyê  Duha Hesen (16), Xedîce Îsmelî (15), Meter Îbrahîm (14) û birayê ci  Faris Îbrahîm (13) birîndar bîyî.

Îdareyê Xoserîya Demokratîke yê Kantonê Şehba Efrînî ra heyetêk domanê ke hêrişê dewleta tirke de birîndar bîyî, zîyaret kerdî.

Heyetî badê zîyaretî verê Nêweşxaneyê Avrînî de pîya bi xebatkaranê nêweşxaneyî eşkerayîye daye. Eşkerayîye de hêrişê qirkerdişî yê dewleta tirke ameyî şermezarkerdene û ame vatene ke tim sîvîlan ser o bombayî varenî. Reyna veng dîya dezgehanê heqanê merdiman ê mîyanneteweyî ke wa vera hêrişanê dewleta tirke û çeteyanê ci bêveng memanê.