Paul Karavanagh ke sey şewîrmendê Otorîteya Perwerdeyî yê Îrlandaya Vakure zî xebiteyeno vat, “Zîndan mezgî de yeno ciwîyayene” û wina dewam ked: “Eke mezgê şima zîndan de yo şima zî zîndan de yê. Eşkera yo ke mezgê Abdullah Ocalanî zîndan de nîyo.O programê sîyasîyî keno û no program hetê însanan ra yeno qebulkerdene. No çîyêko zaf muhîm o.”

Paul Karavanaghî vist vîrî ke Serekkomarê Tirkîya Erdogan weçînayîşan de senî peyde şîyo û bale antê xoverdayîşê Wanî ser û nê vatî: “Beno ke no sey serkewtişê qijî bêro vînayene le her sekewtişo qij çokdayîşê Erdoganî yo. Rayberê Şarê Kurdî zîndan de yo la aqilê ey zîndan de nîyo. Bi nuşteyan û felsefeya xo hema rayberîye keno. Ê do tim ey ra bitersê. Xora rîyê fîkranê ci ra o eşt zîndan. Tewr zaf fîkranê ey ra tesenê la ewro fîkrê ey bedilayîşî rayra benê. Senî ke weçînayîş de zî ame vînayene hêvî dano şarî. Qet çîyêk nêeşkeno herinda hêvî bîgêro. Hêvî ra hêzdar çîyêk çîn o.”

Paul Karavanaghî vist vîrî ke Abdullah Ocalanî raybero neteweyî yo û tecubeyê ci yê pêvînayîşanê haştîye yê est ê û wina vat: “Prosesê muzakereyî ra fam keno, zano ke çi wazeno. Zano senî yew netîce wazeno û senî reseno ci. Rehet nêbeno la ey rayîrêk bewlî kerdo. Êyê ke ey teqîp kenê zanê. Xo bi xo do vajê eke Abdullah Ocalan bîyênî ey se kerdêne? Yanî o do nê rayra bero. O do neslê bînî zî îdare bikero, rayîr bimojno ci û heta ameyîşê azadîye neslê bînî rê zî do rayberîye bikero.”