Hemserekê DEM Partî yê Amedî Abbas Şahînî derheqê tecrîdê vera Rayberê Şarê Kurdî Abdullah Ocalanî û tesîranê tecrîdî de ANFyî rê qisey kerd.

Şahînî pare kerd ke şarê kurdî 50 serrî yo seba çareserîya meseleya kurdan têkoşîn keno û vat: ''Aqlê dewlete 100 serrî yo keno ke çareserîya meseleya kurdan asteng bikero. Bi tecrîdî zî çareserîye yeno astengkerdene. Ewro perspektîfê çareserîye yê Abdullah Ocalanî pêro dinya de veng vejenê. Dewlete bi xorinkerdişê tecrîdî xîret kena ke tesîrê Birêz Ocalanî biqedîna. No tecrîd şexsê Birêz Ocalanî de vera pêro şaran, waştişê haştîye û edaletî yeno kerdene.''

Şahînî bale ante ser ke her ca de bi taybetî zîndanan de vera tecrîdê Îmraliyî çalakîyî yenê kerdene. Şahînî vat: ''Şarê Kurdîstanî û Tirkîya 31ê adare de sindoqan de cewab da îqtîdarî. Komel tecrîd û şerî nêwazeno û weçînayîşan de vat ke 'Eke no tecrîd giranêr bibo ma do şima bierzê çopê tarîxî. Hukmat nika bi hedefkerdişê çapemenîya azade keno ke tesîranê tecrîdî yê serê komelî mîyan bikero. Tecrîd zerar dano pêro heqanê komelî û cuya azade û haştîyane.''

Şahînî îfade kerd ke seba şiknayîşê tecrîdê zîndanan û teberî têkoşîn do dewam bikero û vat: ''Tecrîd bi giranî tesîrê sîyasetê Tirkîya û Kurdîstanî keno. Ma weçînayîşan de dî ke hinî kanwazîye, faşîzm û nîjadperestîye nênê qebulkerdene. Şarî no bi zelalî mojna. Ma zanenê ke mîmarê haştîye Birêz Abdullah Ocalan o. Seba ke demokrasî bêro welatî caardişê azadîya Abdullah Ocalanî şert o.''