Mayanê Şemeyî û pawitoxanê heqanê merdiman hewteyê 997inî de Meydanê Galatasarayî de aqîbetê Huseyîn Yamanî pers kerd.

Hemsereka Pêroyî ya ÎHDyî Erene Keskîn, Endamê Meclîsê Partîye yê DEM Partî Musa Pîroglu û hunermend Kerem Firtina zî tewrê çalakîye bîyî.

Çalakîye de dîya zanayene ke Yamano ke wendekarê Zanîngehê Îstanbulî bi, 4ê gulana 1992yî de amebi destbendkerdene û dima tira xeberêke nêamebî girewtene.

Merdimanê vindîbîyayeyan ra Masîde Ok hîkayeya Yamanî wende.

Kekê Yamanî Feyyaz Yamanî çalakîye de vat: ''Ma do heta peynî bigêrê heqanê xo. Ma do peyê dewaya azadî û têdûştîye de bibê.''