Cizîre de hîrê kesî tepişîyayî
Qezaya Cizîre ya Şirnexî de 5 hemwelatîyê ke çarçewa operasyonê qirkerdişê sîyasîyî de ameybî destbendkerdene, nînan ra hîrê kesî tepişîyayî.
3 KESÎ TEPIŞÎYAYÎ
Qezaya Cizîre ya Şirnexî de 30ê nîsane de polîsan eşt xeylêk keyeyan ser.
Sereştiş de Mehmet Atabey, Metîn Mendez, Ahmet Kaygûsûz, Hamît Ayan û Yûsûf Tatîk ameybî destbendkerdene. 5 kesî sewqê edlîye ameyî kerdene.
Îfadedayîşî ra dima Ahmet Kaygûsûz, Mehmet Atabey û Metîn Mendez bi îdîaya 'endamîya rêxistine' ameyî tepiştene.
