Serekê Rûmetî yê Yewîya Têkoşînê Mîyanneteweyî (ILP) Jose Maria Sisonî û Koordînatora Bingeyî ya Partî û Rêxistinan ê Şorişgêran (ICOR) Monika Gaertner-Engel PDK û Serekê ci Mesûd Barzanîyî rê mektubêk erşawit.

Mektub de venga PDK û Barzanîyî ame dayene ke cade hêrişê vera PKKyî vindarnê.

"Birêz Barzanî,

Endamê ercîyayeyî yê Komîteya Merkezî 

Ma hêrişê pêşmergeyan ê vera têgêrayîşê kurdan şermezar kenê ke vera êzidîyan artêşa tirke reyde têgêrenê. Şima bi nê kerdişanê xo şerê zereyî yê kurdan geş kenê û rayîr danê hukmatê Tirkîya ke herême bivisna destî.

Serra 2014î de vera DAÎŞî gerîlayanê HPG, YBŞ, HPŞ, YPGyî êzidîyî û pêro Başûrê Kurdîstanî bi fedakarî pawitî. Têgêrayîşê şar, karker û şorişgêran o mîyanneteweyî pê sereberz o ke kelaya têkoşînê xelisnayîşê komel û neteweyî yê kurdan payan ser o vindena. Seba naye ma bikerê ke waro mîyanneteweyî zî paştî bido na kela.

Ma venga şima danê ke peynîya nê kerdişan bîyarê, hêrişê vera PKKyî vindarnê, pêşmergeyan waranê gerîlayan û Rojawanê Kurdîstanî ra biancê, hemkarîya tirkan war verdê, derheqê ca û waranê gerîlayan de agahî medê artêşa tirke.

Ma venga hukmatê Tirkîya danê ke leşkeranê xo herême ra apey bigêro û peynîya hêrişanê xo yê vera Rojawan û Başûrê Kurdîstanî bîyaro.

Ma venga emperyalîstan danê ke bi rêzdarî nêzdîyê heqanê kurdan ê weçînayîşê çarenusê xo bibê û leşkeranê xo apey bigêrê.''