Rêxistina HDPyî ya qezaya Sultangazî ya Îstanbulî de tepişîyayîşê Hemsereka KCDyî Leyla Guven bi çalakîyêke ame protestokerdene. Çalakîye de pankarta bi nuşteyê 'Tepişteyê sîyasîyî rûmetê ma yê' ameye akerdene û sloganê sey 'Leyla Guven rûmetê ma ya' ame vatene.

Çalakîye de Hemsereka Rêxistina Sultangazî Bêrîvane Zadzan qisey kerd. Zadzane ard ziwan ke pêro emrê Leyla Guven pê têkoşînî derbaz bîyo û seba ke sîyasetmedarêka kurd a ameye hedefkerdene. 

Zadzane vist vîrî ke rixmê bire Mehkemeya Heqanê Merdiman a Ewropa (MHME) Selahattîn Demîrtaş vera nêdîyayo û vera mesele nêrazîbîyayîşê xo mojna.