Roniştişê dewaya keyeyê Şenyaşarî ke 3 endamê ci hetê pawitox û merdimanê Wekîlê AKPyî Îbrahîm Halîl Yildizî ra kişîyayî, Mehkemeya Cezaya Girane ya 3. ya Meletî de ame kerdene.

Fadil Şenyaşaro ke hêriş de birîndar xelisya û dima ame tepiştene Zîndanê Xarpêtî ra Enver Yildiz î Zîndanê Osmanîye ra bi sîstemê SEGBISî tewrê mehkeme bîyî.

Mehmkeme de avûkatanê şenyaşaran vera mutalaya dozgerî ke roniştişê verêne de semedê Fadil Şenyaşarî 12 serrî semedê herişkaran cezaya şenike waştbî pawitiş kerd. Mehkeme de şahîdan ke qisey kerd ard ziwan ke keyeyê Şenyaşarî çew/e tehdît nêkerdo. Avûkatê keyeyî Bulent Duranî vat: ''Şahîdan mutalaya dozgerî pûç vet. Muwekîlê ma birayê xo pawitî. No nefsî mudafa yo, wa Fadil Şenyaşar bêro tehlîyekerdene.'' Mehkeme qerar da ke Fadil Şenyaşar û Enver Yildiz wa tepişte bimanê û roniştişo bîn 12ê adare rê peyde eşt.