Derheqê wekîlanê HDP û CHPyî de 10 fezlekeyê neweyî teqdîmê Serekîya  Meclîsî bîyî. Mîyanê nê wekîlan de Serekê CHPyî Kemal Kiliçdaroglu zî esto.

Wekîlê CHPyî yê ke derheqê înan de fezlekeyî ameyî amadekerdene û sewqê Meclîsî bîyî wina yê: Kemal Kiliçdaroglu, Oguz Kaan Salici, Muharrem Erkek, Yunus Emre, Velî Agbaba, Fethî Açikel, Faîk Oztrak û Ahmet Tuncay Ozkan.

Fezlekeyê bînî zî derheqê Wekîla HDPyî ya Êlihî Ayşe Acar Başaran û Wekîlê HDPyî yê Antalya Kemal Bulbul de yê.