Roşnvîr, nuştox, şaîr û hunermendan zî tede 101 kesayetanê bi nameyê 'Rîsipîyan' metnêk weşana. Metn de venga her beşê komelî ame dayene ke dormeyê îtîfaqî de bêro pêser.

Metnê roşnvîran wina yo:

''Ma sey rîsipîyanê ke her beşê komelî ra yê, sîyasetanê cîyayan ra yenê û serrê derg û dilayî xo dima de verdayî venga her merdimî, bi taybetî ciwanan danê ke heqê înan o ke welatê ma de sey têdûşt û azad biciwîyê.

*Welatê ma qet na aste de nêkewtbî rewşêka tarî, neheqî, bêhuqûqî, bêedalet nêdîbî, bêqîmet nêmendbi.

*Qanûno Bingeyî pratîk de ame vindartene. Mehkemeya xosere û bêterefe kewte binê fermanê Qesre. Rewşa hêzanê asayîşî zî wina ya. 

*Atmosferêkê teda û keyfîyetî de berhemê demokrasî û huqûqî zî werte ra wedarîyayî.

-Can û malê merdiman rê gef yeno wendene, azadî û heqê merdiman pey goş benê, rêxistinê ma girê dîyenê îqtîdarî, heqê ma yê zanayîşî yeno astengkerdene, azadîya fikrîye kêmîyaye.

-Pê waştişanê talanker û îşxalkeran şer û dişmenîya cera pêro dinya cayê krîterê haştîye girewt.

-O tewr girîng zî no yo ke ma yewbînan ra yenê cakerdene. Nîfaq erzîyeno mabênê merdiman ê bawermend, laîk, sunnî, elewî, çepgîr, rastgîr, tirk, kurd, ciwan û kokiman.

Vera ma pêroyînan gef esto. Wa kes nêvajo destê mi de nîyo, mi eleqeder nêkeno. Ma hîşyarîye danê îqtîdarî; destê şima de hêzê îqtîdarî esto ke şima pê bawer kenê. Girseyê ma acîz, şikdar û bêaram ê. Bêveng ê ke na bêvengîye seba paştdayîşê şima nîya. Na bêvengîye ters û neçarî ra ya. Labelê roje do bêra û bêvengî do biba pîlêr, tesîrê weçînayîşî bikera û weçînitoxî do verê nê şîyayîşî bigêrê. Şima nêvînê zî ma vînenê ke a roje ha bena nêzdî.

Koalîsyonê AKP-MHPyî hêzê xo alozîya muxalafetî ra gêno. Merdimê ma yê bêçareyî seba gêrenê alternatîfêkî. Gefo topyekun têna pê xoverdayîşê topyekunî wedarîyeno. Çareserîye a ya ke hêzê muxalefetî pêro pîya îtîfaqê demokrasîyî ganî awan bikerê.

Ciwanênê goş bidê vengê ma. Ma şima şîret nêkenê, vengdayîşê ma tecrûbeyo serran o. Parçebîyayîş, dişmenîye û çîyê sexteyê ke şima rê yeno ferzkerdene werte ra wedarê, bibê yew, vengê xo berz bikerê. Wext wextê ci yo ke wayîrê azadî, nan, cuya xo bivejîyê, heqanê xo biwaê. Roşnîya ameyoxî destê şima de ya. Ma sey rîsipîyan wazenê na roşnîye bivînê.

Kesê ke morê xo dayî binê metnî nê yê:

"Abdullah Nefes, Abdulbakî Erdogmuş, Ahmet Aykaç, Ahmet Însel, Ahmet Tellî, Ahmet Turk, Alî Bayramoglu, Alî Sîrmen, Altan Oymen, Arîf Keskîner, Atîlla Dorsay, Aydin Cingi, Aydin Engîn, Ayşe Erzan, Ayşenure Arslan, Baskin Oran, Bînnaze Toprak, Bulent Ortaçgîl, Canane Arin, Celal Dogan, Cem Toker, Cengîz Aktar, Cengîz Çandar, Cîhangîr Îslam, Coşkun Ozdemîr, Dogan Bermek, Ercan Karakaş, Erdogan Aydin, Ersîn Kalaycioglu, Ersîn Salman, Ertugrul Gunay, Ertugrul Yalçinbayir, Eşber Yagmurderelî, Fatma Gok, Fatmagul Berktay, Fehmî Koru, Fîkrî Saglar, Fîlîz Alî, Genco Erkal, Gençay Gursoy, Gokhan Akçura, Gurel Tuzun, Hacere Ansal, Halîl Ergun, Hasan Cemal, Hayrî İnonu, Herkul Mîlas, Îbrahîm Betîl, Îbrahîm Sînemîllîoglu, İlhan Tekelî, Kazim Guleçyuz, Korkut Boratav, Marta Kalyoncu, Mehmet Hayrî Kirbaşoglu, Meleke ulagay, Merale Tamer, Meryeme Koray, Morîs Gabbay, Murat Belge, Murat Karayalçin, Mujde Ar, Nadîre Mater, Nazar Buyum, Necmiye Alpay, Nesrîne Nas, Nesterene Davutoglu, Nurettîn Sozen, Orhan Pamuk, Orhan Sîlîer, Osman ulagay, Oya Baydar, Oget Oktem Tanor, Omer Madra, Peral Bayaz, Rakel Dînk, Reşît Canbeylî, Riza Turmen, Selçuk Erez, Serra Yilmaz, Suleyman Coşkun, Suleyman Çelebî, Şahîn Tekgunduz, Şanar Yurdatapan, Şebnem Korur Fîncanci, Şevket Pamuk, Şukran Soner, Şukru Aslan, Tarhan Erdem, Tarik Ziya Ekîncî, Tugrul Eryilmaz, Turhan Gunay, Tulîn Dursun, Umît Aktaş, Ustun Erguder, Vecdî Sayar, Veysî Dundar, Yaşar Okuyan, Yucel Erten, Zeynep Oral, Ziya Halîs, Zulfu Lîvanelî."