Paytextê Brîtanya London de bi şîara ‘’Ma bi eşqî şinê’’ Festîvala Elewîyan a Brîtanya ameye kerdene. Festîvala emserîne dîyarîya qurbananê Qirkerdişê Elewîyan ê Sûrîye ameye kerdene.

Hemsereka Pêroyî ya DEM Partî Tulaye Hatîmogullari û Wekîlê CHPyî Orhan Saribal zî tewrê festîvale bîyî. Festîvale bi waştişanê haştîye, edalete, heq û azadîye ameye kerdene.

Hemserekanê BAFî Dîleke Încedal û Muslum Dalkiliçî û Serekê Cemxaneyî Îbrahîm Hasî, Hemsereka Cemxaneyê Enfieldî Fatma Yildirim Polat, Wekîl Bambos Caramolousî festîvale de qisey kerd.

Hunermendî Alî Sîzer û Huseyîn Korkan Korkmaz, Koma Govende ya Komeleya Kirkisrakî, Popcorn The Band veyayî sehne ser. 

Hemsereka DEM Partî Tulaye Hatîmogullari zî festîvale de qisey kerd. Tulaye ard ziwan ke DEM Partî tim do paştî bida elewîyan. Tulaye girseyî rê qalê Prosesê Haştîye û Komelê Demokratîkî kerd û vat: ‘’Bê elewîyan haştîye û demokrasî nêbenê û têkoşînê demokrasîyî do ser nêkewo. Bêrê ma pîya têkoşîn bikerê û haştîye bîyarê ca. Ma ganî sey elewîyan xo rêxistin bikerê.’’

Peynîya festîvale de Ayfere Duzdaş û Mîkaîl Aslan vejîyayî sehne ser.