Fîlozofê marksîstî Prof. Michael Lowyî derheqê Vengdayîşê Rayber Apoyî, biranê Kongreya PKKyî û qewimîyayîşanê peyê ci de ajansê ma rê qisey kerd.

Michael Lowyî pare kerd ke çend hewtî verê cu o Amed de bîyo û dîyo ke seba prosesê haştîye hêvîyêke est a. Lowyî vat: ‘’Her kes pabeyê gamanê îqtîdarê AKPyî yo. Erdoganî heta nika seba prosesî gamêka zelale nêeşte. Hema zî tepişteyê sîyasî yê kurdî zîndan de yê.’’

Lowyî bale ante biranê Kongreya 12ine ya PKKyî ser û vat: ‘’PKKyî vengdayîşê Ocalanî ser o bira çekverdayîşî daye û xo fesh kerd. Xora PKK garantî wazeno ke bieşko tewrê cuya sîyasî û komelkî ya Tirkîya bibo. PKKyî fam kerdo ke bi têkoşînê çekdarî do nêreso cayêkî. Ney de heqdar o. La bê garantî feshkerdiş aqilane nîyo. Ganî Tirkîya cewabêbî bida ney.’’

Lowyî ard ziwan ke paradîgmaya Rayber Apoyî verê kapîtalîzmî de eşkena biba hêvîya alternatîfî. Lowyî vat: ‘’Rojawan de modelê paradîgmaya Ocalanî yeno caardene. No model û paradîgma îlham danê têgêrayîşanê bînan ê dinya. Fikrê Rayber Apoyî seba têgêrayîşanê ke têkoşînê komelkîyî kenê eşkenê bibê çimeyê îstîfadekerdişî.’’