Komeleya Huqûqnasan a Seba Azadîye (OHD) pare kerd ke taxa Îmrahorî ya Arnavutkoyî ya Îstanbulî de 104 kesê ke vera rijnayîşê keyeyan vejîyabî bi îşkenceyî ameyê destbendkerdene.

OHDyî derheqê babete de  medyaya dîjîtale de eşkerayîyêke daye û da zanayene ke polîsan bi gazê îsotî û guleyanê plastîkan hêrişê roniştoxanê taxe kerdo. OHDyî pê hesna ke mîyanê 104 kesan de tay kesî birîndar zî bîyê. OHDyî vat ke ê do babete teqîb bikerê.