Baroyê Amed û Wanî zî tede 12 baroyan vera hêrişanê dewleta tirke ya îşxalkere yê serê Awbendê Tişrînî bi eşkerayîyêke nêrazîbîyayîşê xo mojna . 

Eşkerayîye de ame vîrvistene ke hunermend Bavê Teyar (Cuma Xelîl Îbrahîm) zî tede hêrişanê vera Awbendê Tişrînî de 6 sivîlî ameyê qetilkerdene û wina ame vatene: ''Ganî sivîlî her şertî de bipawîyê. Herêmanê Rojawanî de pêkewtişî dewam kenê. Hêrişan de Bavê Teyar zî tede 6 sivîlî ameyê qetilkerdene û 15 sivîlî birîndar bîyî. Nê hêrişî vera heqanê merdiman ê. Tişrîn de krîterê huqûqê mîyanneteweyîyî yenê binpaykerdene. Ganî Tirkîya goreyê Peymana Cenevre û huqûqî têbigêra. Ma venga aktoranê mîyanneteweyîyan û komelê dinya danê ke seba pawitişê sivîlan û vergirewtişê hêrişan têbigêrê.''

Nê baroyan morê xo da binê eşkerayîye: Baroyê Semsûr, Agirî, Êlih, Amed, Îdir, Colemêrg, Mêrdîn, Mûş, Sêrt, Riha, Şirnex û Wan.