Bi wesîleya Roja Rojnamegeranê Ke Xebitîyenê ya 10ê Çeleyî, Anqara de, 14 rêxistinanê çapemenîye pîya eşkerayîya bi sernameyê ''Çapemenîye azad a, nêna sansurkerdene'' daye.

Serekê DÎSK Basin-Îşî Turgut Dedeoglu û Serekê Komeleya Rojnamegeranê Modernan (ÇGD) Kivanç El û Îdarekarê Komeleya Rojnamegeran a Dîcle-Firatî (DFG) Huseyîn Aykol tewrê eşkerayîye bîyî.

Elî eşkerayîye wende û bale ante astengîyanê vera rojnamegeran ser.

Eşkerayîye de nê waştişî ameyî rêzkerdene:

''Wa şertê xebatanê rojnamegeran bêrê asayîkerdene, tedaya bêkarîye biqeda.

-Wa heqê qefilîyayîşî bêro raştkerdene.

-Wa heqê fesîhî û tazmînatê qidemî bêrê garantîkerdene.

-Wa meaşo mengane bi hawayêkê peşînî bidîyo û heqê mesayîyan bêrê dayene

-Wa rojnamegerê cinîyî û xebatê înan bêrê teşwîqkerdene.

-Seba ke rojnamegerê xoserî (freelance) bieşkê binê endamê sendîkayan raştkerdişî bêrê caardene û nînan rê karta çapemenîye bêra dayene. 

-Astengîyê vera endamîya sendîkayan bêrê wedaritene.''