25ê hezîrane de bajarê Dusseldorfî yê Almanya de semedê protestokerdişê hêrişê îşxal û qirkerdişî yê dewleta tirke yê vera Kurdîstanî, çalakîya merkezî do bêro kerdene. KON-MEDî semedê tewrbîyayîşê rayraşîyayîşî veng da.

Eşkerayîya KON-MEDî de nê ameyî vatene: ''Dewleta tirke ya îşxalkere çar leteyanê Kurdîstanî de hêriş kena ke destkewteyanê kurdan çîn bikero û kurdan qir bikero. Verê çimanê dinya de dewleta tirke ercanê merdimîye û huqûqê mîyanneteweyî binpay kena. Dewletê Ewropa yê ke semedê şerê Ukrayna-Rusya qîyamet nanê ro qirkerdişanê vera kurdan û Kurdîstnî rê bêveng ê. Coka sere de Almanya heme hêzê mîyanneteweyî berpirsîyarê qirkerdişanê Kurdîstanî yê. Wextê ci yo ke vera nê şerî her ca de têkoşîn bêro xurtkerdene. 

25ê hezîrane saete 10:00 de Dusseldorf de do rayraşîyayîşêko merkezî bêro kerdene.Vera heme qirkerdiş û hêrişan tewrbîyayîşê nê rayraşîyayîşê wezîfeyê ma pêrun o. Ma venga heme kurdan û dostanê xo û êyê ke ke vera şerî  haştîye pawenê wa tewrê rayraşîyayîşê bibê û têkoşînî xurt bikerê.''