3 rêxistinê bînî zî tewrê Kampanyaya 'Wextê ci yo' bîyî

ELDH, New World Summit û AIDLyî zî pare kerd ke ê tewrê kampanyaya rêxistinanê KHRAG û COSATUyî yê Afrîkaya Başûrî bîyî ke seba azadîya Rayberê Şarê Kurdî Abdullah Ocalanî dîyaye destpêkerdene.

Koma Xebate ya Kurdan a Başûrê Afrîka (KHRAG) û Konfederasyonê Sendîkayan ê Başûrê Afrîka (COSATU) pê eşkerayîyêka hempare dabi zanayene ke înan kampanyaya bi nameyê 'Seba haştîya têdûşte ya Tirkîya Abdullah Ocalanî rê Azadîye' daye destpêkerdene.

Yewîya Avûkatan a Seba Heqanê Merdiman ê Dinya û Demokrasîya Ewropa (ELDH), New World Summit (Kombîyayîşo Berz ê Dinya yo Newe) û Îtîfaqê Pawitişê Azadî û Heqan ê Mîyanneteweyî (AIDL) zî pare kerd ke ê tewrê kampanya bîyî.

Eşkerayîya ELDHyî de ame parekerdene ke ê paştî danê Kampanyaya 'Wextê ci yo; Seba haştîya têdûşte ya Tirkîya Abdullah Ocalanî rê azadîye' ke na kampanya seba ke Neteweyê Yewbîyayeyî na babete de têbigêrê dîyaye destpêkerdene.

2ê ci Yunanîstan û Tirkîya de, welatanê Bask, Belçîka, Bulgaristan, Almanya, Îngilîstan, Fransa, Yunanîstan, Îtalya, Makedonya, Rûsya, Sirbistan, Swîsre, Îspanya û Ukrayna komeleyê ELDHyî estê.

New World Summito ke merkezê ci Hollanda de yo, karê sîyasî û hunerkî keno. New World Summit seba Rojawanî zî çalakîyan keno.

International Alliance for Defence of Rights and Freedoms (AIDL)o ke merkezê ci Paris de yo seba azadî û heqanê merdiman ê Afrîkaya Vakure û Rojhelatê Mîyanênî xebitîyeno.