Polîsanê tirkan serê sibayî qezaya Qoserî ya Mêrdînî de eşt keyeyê aktîvîsta Têgêrayîşê Cinîyan ê Azadan (TJA) Hacîre Tanirgan ser. Polîsan ber şikit, keye serûbin kerd û Hacîre destbend kerde. Dîya zanayene ke Hacîre Tanirgan çarçewa tehqîqatêkê Serdozgerîya Komare ya Amedî de ameya destbendkerdene.

Wan de zî sereştişê keyeyan de endamê Meclîsê Ciwanan ê HDPyî yê Wanî Arjîn Tuncer, Ferhat Azan, Rojîne Varhan û Mehmet Şerîf Demîragaço ke se ra 90 astengdar o, ameyî destbendkerdene.

Amed de zî endamê Meclîsê Ciwanan ê HDPyî yê Amedî Dîyar Sancar, Nurullah Ozgun, Şehmus Doku û Mazlum Kardaş sereştişê keyeyan de ameyî destbendkerdene. Sebebê destbendkerdişî nêzanîyeno.