Îdîanemyo ke Serdozgerê Komare yê Mehkemeya Berze Bekîr Şahînî semedê qefilnayîşê Partîya Demokratîke ya Şaran (HDP) amade kerdî detayê ci pê rayîrê çapemenî dîyenê eşnawitene.

Îdîaneme de semedê 678 kesan  seba 5 serran qedexeyê sîyasetî yeno waştene.

Mîyanê nê kesan de nameyê sey Hemserekê Pêroyî yê HDPyî Pervîne Buldan û Mîthat Sancar, Hemserê Pêroyî yê HDPyî Selahattîn Demîrtaş û Fîgene Yuksekdag ke sey rehîn yene tepiştene, Serekwekîla Grûba HDPyî Merale Daniş Beştaş, Sezaî Temellî, Amet Turk, Leyla Zana, Ayhan Bîlgen, Selma Irmank, Sebahate Tuncel, Nursele Aydogan, Ertugrul Kurkçu, Sirri Sureyya Onderî zî ca genê.

Îdîaneme de ame waştene ke HDP wa hetkarîya hazîneyî ra zî bi temamî mehrum bêro verdayene.