Parlamentoya Ewropa de Îtîfaqê Azadî yê Keskan/Ewropa, Koma Demokratan ê Sosyalîstan û Demokratan (S&D) Çepa Keske Îskandînav-Çepa Girewte zî tede 69 wekîlanê xeylêk fraksîyonan Temsîlkarê Taybetî yê Polîtîkayanê Asayîşî û Karanê Teberî yê Yewîya Ewropa Josep Borelleyî rê mektubêk şawit 

Mektub de qala nê çîyan ameye kerdene: 

''Sîstemê serekîye yê Tirkîya krîterê hukmkerdişê xoserî qels kerd. Hemşaredarê HDPyî bi hawayêkê bêhuqûqî wezîfe ra ameyî girewtene û herinda înan de 'walî û qeyûmî' ameyî tayînkerdene. Weçînayîşê 31ê adara 2019î ra nata 65 şaredarîyanê HDPyî ra 46 şaredarîyî ameyî xespkerdene. Ma hêrişanê dewleta tirke yê vera Şingal, Mexmûr, Başûrê Kurdîstanî ra qerqilîyenê. 23ê hezîrana 2020î de Kobanê de pê dronan hêriş ame kerdene ke hêriş de xeylêk sivîkî kişîyayî.

Tirkîya endama NATO û Konseya Ewropa ya. Seba Yewîya Ewropa zî namzet a. Ganî nê kerdişê bêhuqûqî yê Tirkîya nêrê tolerekerdene. Ma veng danê ke vera rejîmê otokratîkî yê Erdoganî têbigêrê.

Ma komîsyonî ra wazenê ke wa vera Tirkîya tedaya ekonomîke bikero û bi lezî game bierzo.''