Bi vengdayîşê hemserekanê HDPyî Pervîne Buldan û Mîthat Sancarî EMEP, EHP, Halkevleri, SMF, TİP, TOP û TKP Anqara de vizêr ameyî têhet. Badê kombîyayîşê ke çapemenîye rê qefilnaye ame kerdene eşkerayîya nuştekîye ameye dayene.

Eşkerayîye de nê ameyî vatene: ''Tirkîya de krîzê sîyasîyî û ekonomîkî sey vewresî pîlêr benê. Polîtîkayê talanî û cîyakerdişî yê hukmatî pêro heqanê heme hetanê komelî yê ke eciqîyenî destê ci ra genê û xoza talan kenê. Seba ke verê nê bêro girewtene û hêvî bêro pîlkerdene ganî yewîya xurta ke hêz dana komelî bêro ronayene. Wina verê nê rejîmî eşkenê bêro birnayene û verê bedilnayîşê demokratîkî bêro akerdene. Coka ma vanê ganî hetê hêzanê çepgîr û şorişgêran ê Tirkîya ra têkoşîno hempar bêro kerdene.

Na çarçewe de bi vendayîşê HDPyî ma sey partîyanê sîyasîyanê ke morê ci binê na eşkerayîye de sto  18ê çeleyê 2022î de ameyî têhet.  Qerarê ke ma girewtî ma rayapêroyî rê pare kenê:

* Ma do têkoşînê hemparî bidê domnayene û hîrayêr û xurtêr bikerê.

*  Semedê bewlîkerdişê babetanê ci û xurtkerdişê têkoşînê hemparî ma do pêvînayîşan rê dewam bikerê.

* Ma hedef kenê kenê ke heme hêzanê çepgîr, sosyalîst, demokratîk û şorişgêran ê Tirkîya bîyarê têhet.

* Ma do heme şaranê Tirkîya yê eciqnayeyan, mexduran, kedkaran, cinîyan, ciwanan û êyê ke têkoşînê ekolojî kenê reyde metodanê ronayîşê têkoşînê hemparê qisey bikerê. Ma qerardar ê ke berpirsîyarîya komelkîya ke milê ma de ya bîyarê ca.

Bi paştdayîş, têkoşîn û hêvî…''