Eşkera bi ke qezaya Bagcilarî ya Îstanbulî de camêrd Metîn Şenayî xeylêk domanan rê bi hawayêkê sîstematîkî tecawuz kerdê û Meletî de zî camêrd A.C. domana 7 serre tacîz kerda. 

Naye ser o baroyanê 81 şaristanan bi eşkerayîyêke bale ante ser ke nê 9 serranê peyênan de tacîz û tecawuzê vera domanan hîrê qatî zêdîyayê 

Eşkerayîye de baroyan vist vîrî ke Metîn Şenayî 2009 de zî heman sûcî ra ameyo muhakemekerdene la seba ke 'delîlê qîmî çin ê' vera dîyayo.

Baroyan waşt ke seba ke verê hêrişanê cînsîyan ê vera domanan bêro girewtene ganî polîtîkayê zixmî bêrê caardene. Baroyan vat: ''Ganî dewlete pêro şertanê peymananê serê domanan bîyara ca. Ganî çarçewa 'Komîsyonê Cigêrayîşanê Serê Îstîsmarê Domanan' ê Meclîsî bêra hîrakerdene û Komîsyonê Heqanê Domanan bêro awankerdene. Ganî Qanûnê Pawitişê Domanan goreyê Peymana Pawitişê Domanan ê Vera Îstîsmarî ya Konseya Ewropa newe ra bêro amadekerdene.''

Baroyan eşkerayîye de bale ante ser ke vera hêrişanê cînsîyan ê serê domanan paştdayîşo komelkî zaf girîng o.