Dr. Gulşenî vat, “Çalakgeran 150 rojî xo ra dima verdayî. Bêguman no prosesêko asan nêbi, xeylî problemê giranî vejîyayî werte. Bi moral û motîvasyonêkê berzî înan kerd ke hemverê problemanê weşîye xover bidê û xo resnayî heta nê demî.

Tayê çalakgeran heta bi 30 kîloyî zî kerdê vînî. Tayênan 19-22 kîloyî, tayênan zî nê ra vêşêr kîloyî kerdê vînî. Tewr zaf zî çalakgeran ê cinîyan kilo kerdo vînî. Bêguman na yewe bîye sebebê problemanê weşîye yê giranan. Bedene înan o ke helêno de tewr zaf dejê masulkeyan xo ramojneno. Na yewe ra nêeşkenê rakewê. Rojane 3-4 saetan eşkenê rakewê û bi grianî mîyanê cilan de, la haya yê.

Bêguman na yewe xo dir problemanê giranan ê norolojîkan zî ana. Dejê sereyê înan zaf bîyo zêde.

Rîyê vêşanîya demderge ra organê înan zî nêeşkenê wezîfeyê xo bica bîyarê. Xusûsen zî hezimkerdiş de problemê cidîyî estê. Sewbîna rîtmê pirodayîşê zerrî xira bîyo.

Bi heman hawayî problemê şinawitişî, vînayîşî û çimî bîyê zêde. Goşê înan rind nêeşnaweno, çimê înan rind nêvîneno, nêeşkenê tehemulê roşnayîye bikerê. Na yewe ra ma xeylî bifikar ê.”