Nobeta 'Abdullah Ocalanî rê Azadîye' ya Strasbourgî hewteyê 653inî de dewam kena. No hewte koma Îngilîstanî nobete dewr girewte. Kome de Îsmet Serhad û Gezgor Kanîreşî cagênê.

Îsmet Serhadî nameyê kome ser o qisey kerd û vat: ''Azadîya Rayber Apoyî çareserîya meseleya kurdan a demokratîke ya. Sey şarê kurdî ma do hem Rayberê xo azad bikerê hem zî destkewteyanê xo bipawê.''

Serhadî dîyar kerd ke ganî her kes vera hêrişanê îşxalî yê dewleta tirke ya îşxalkere û çeteyanê ci Rojawanî bipawo û vat: ''Senî ke ma Kobanê pawite ganî ma bi heman ruhê seferberî pêroyê Rojawanî zî bipawê. Seba ke ma bieşkê destkewteyanê xo bipawê ma ganî ma yewîya neteweyîye awan bikerê.''